ජයග්‍රහණය පෙනි පෙනී ශ්‍රී ලංකාව පරදී
සංචාරක ශ්‍රීලංකා – නවසීලන්ත පළමු එක්දින තරගයේ ජය වාර්තා කිරීමට නවසීලන්ත කණ්ඩායම අද (28) සමත් වුණා.
ඒ ලකුණු 08කින් ශ්‍රීලංකාව පරාජයට පත් කරමින්.
අද තරගයේ කාසියේ වාසිය හිමිකරගත් ශ්‍රී ලංකාව පළමුවෙන් පන්දු රැකීමට තීරණය කළ අතර, නවසීලන්තය පන්දුවාර 20 අවසානයේ කඩුළු 08ක් දැවී ලකුණු 172ක් රැස් කර ගැනීමට සමත් වුණා.
එහිදී, Daryl Mitchell ලකුණු 62ක්ද, Michael Bracewell ලකුණු 59ක්ද, Mark Chapman ලකුණු 15ක්ද, Tim Robinson ලකුණු 11ක්ද, Rachin Ravindra සහ Glenn Phillips ලකුණු 08 බැගින් රැස් කළා.
පන්දු යැවීමේදී, බිනුර ප්‍රනාන්දු, මහීෂ් තීක්ෂණ සහ වනිඳු හසරංග කඩුළු 02 බැගින්ද, මතීෂ පතිරණ එක් කඩුල්ලක්ද දවා ගත්තා.
අනතුරුව ලකුණු 173ක පිළිතුරු ඉලක්කයක් සහිතව පිටියට පිවිසි ශ්‍රී ලංකා කණ්ඩායම පන්දුවාර 20 අවසානයේ කඩුළු 08ක් දැවී රැස්කරගත හැකි වුණේ ලකුණු 164ක් පමණයි.
පන්දුවට පහරදීමේදී අගනා ඉනිමක් ක්‍රීඩාකළ පැතුම් නිශ්ශංක පන්දු 60කදී ලකුණු 90ක් වාර්තා කිරීමට සමත් වුණා.
කුසල් මෙන්ඩිස් ලකුණු 46ක්ද, නායක චරිත් අසලංක ලකුණු 03ක්ද, භානුක රාජපක්ෂ ලකුණු 08ක්ද, වනිඳු හසරංග ලකුණු 05ක්ද, රැස් කරා.
කුසල් පෙරේරා සහ කමිඳු මෙන්ඩිස් මෙම තරගයේදී කිසිඳු ලකුණක් නොලබා දැවී ගියා.
පන්දු යැවීමේදී, Jacob Duffy කඩුළු 03ක්ද, Matt Henry සහ Zakary Foulkes කඩුළු 02 බැගින් දවාගත්තා.
